Այս տաք և լուսավոր բնակարանը գտնվում է Բյուզանդ փողոցում։ Սպիտակ պատերը կարծես մեծացնում են տարածությունը, արևի ներթափանցող լույսն ավելի անդրադարձնում բնակարանի մեջ։ Ինտերիերի կահավորումն ու դեկորատիվ լուծումները տրված են մինիմալիստական ոճով՝ պարզ ծավալներով և ձևաչափերով։ Որոշ պատեր ընդգծվել են հակապատկեր գույներով՝ դրանով իսկ մատնանշելով բնակարանում նոր ֆունկցիոնալ գոտի։ Փայտը հաճախ օգտագործվում էր հատակին, պատերին և առաստաղին՝ ջերմացնելով և հարմարավետ դարձնելով մթնոլորտը:
